Kryetari i Kuvendit, Talat Xhaferi, është shprehur në një vijë me partinë e tij për sa i përket mundësisë së mbajtjes së zgjedhjeve të parakohshme parlamentare bashkë me ato presidenciale. Ai tha se as vendimin për shpalljen e tyre nuk mund ta mer pasi kjo është në kompetencë të deputetëve dhe partive parlamentare, por u shpreh se është i gatshëm të kryejë obligimet kushtetuese dhe ligjore për thirjen dhe organizimin e tyre, nëse shumica e mjaftueshme e deputetëve marin një vendim të tillë. “Në kontekst politik mendoj që nuk është koha e duhur dhe e qëlluar që kushdo qoftë të mendon për zgjedhje të parakohshme parlamentare për faktin se jemi në një fazë të implementimit të përpjekjeve tona për anëtarësim final, të plotëfuqishëm në NATO dhe të fillojmë bisedimet paraaderuese me Bashkimin Evropian. Mendoj se është ide e gabuar të mendohet për zgjedhje të parakohshme. Përsëri them në fund, ajo është kompetencë e deputetëve, e partive politike të përfaqësuara në Parlament nëse kanë propozim me shumicë të deputetëve për një çështje të tillë, unë duhet me respektu atë që është përcaktim kushtetues, gjeqësisht e rregulluar me Rregulloren e punës së Parlamentit”, u shpreh kryetari i Kuvendit, Talat Xhaferi.
A. Z.
