Në prag të festave të fundvitit, njësitet për prevenim nga Sektori për punë të brendshme Tetovë, së bashku me Kryqin e kuq i Tetovës dhe vetëqeverisjen lokale të Tetovës, në ambientet e shkollës fillore ,,Lirija,, në Tetovë, dje kanë mbajtur prezantim dhe ushtrime treguese, për mjetet piroteknike, si dhe pasojat shëndetsore, ligjore, dhe pasojat tjera që sjell përdorimi i i fishekzjarreve. “Nxënësve nga afër iu prezantuan reziqet që me vete sjellin fishekzjarret, si dhe implikimet ligjore, në raste të aktivizimit të tyre në rrugë, objekte, si dhe në vende tjera, që paraqet kundërvajtje kundër rendit dhe qetësisë publike. Krahas kësaj, nxënësit u informuan edhe për aktivitetet, që është duke i ndërmarur Sektori për punë të brendëshme Tetovë, për zbulimin dhe sanksionimin ligjor, të shitjes dhe përdorimit të mjeteve piroteknike”, thuhet në njoftimin e SPB Tetovë. Nxënësve të kësaj shkolle në mënyrë praktike ju prezantuan pasojat, gjegjësishtë cilat dhe si mund të jenë lëndimet nga aktivizimi i fishekzjarreve në duar, fytyrë, kokë dhe pjesë tjera të trupit. Qëllimi i prezantimit dhe ushtrimeve treguese ka qenë reagimi preventiv tek nxënësit e kësaj shkolle, si dhe nëpërmjet tyre edhe tek nxënësit tjerët, të mos blejnë apo përdorin mjete piroteknike, të cilat jo rallë dinë të jetë edhe një zbavitje shum e rezikshme, dhe të shkaktojnë dëmtime serioze, dhe pasoja të pakompensueshme, njoftojnë nga policia e Tetovës.
A. Zeqiri
