Kategoritë

TRAUMAT E SOPIT “Fake” shoqëri

Ne jemi “fake” sepse shtiremi për çdo gjë, ne postojmë libra kurse në realitet lexojmë vetëm meny restorantesh.

Shkruan: Hasim Memishi Sopi

Postojmë karkaleca dhe guaca, në fakt tre herë në javë apo më shumë hamë vetëm speca dhe vezë, shpesh edhe të përziera bashkë, pasi grosha e ka rritur çmimin këtë vit; bëjmë like të gjitha kompanitë prestigjioze të veshjeve dhe në fund vishemi te dyqanet me shumicë ose te kinezët; bëjmë check-in në vendet më prestigjioze të botës pastaj na ngelin pa paguar këstet e kreditit; në publikë dëgjojmë jazz dhe rock muzikë, por kur jemi vetëm na kërcen shpatulla sapo të filloj një muzikë tallava; jemi “fake” sepse bëjmë atë që duan të na shohin të tjerët, e jo atë që e ndjejmë; jemi fake sepse kur duam t`i themi gjërat që i mendojmë, i themi me fake profil; jemi fake sepse në Instagram postojmë kaminin, kurse në realitet ngrohemi me shishe me ujë të ngrohtë; ky “fakeizëm” ndoshta ka ekzistuar edhe më herët por rrjetet sociale e kanë zhveshur në tërësi..
Jemi në rrugë të drejtë, por në kahje të gabuar…