Në Kuvendin e Maqedonisë sot vazhdon takimi i Nëngrupit të dytë për pajtim i Grupit interpartiak parlamentar për pajtim, reforma dhe integrim në të cilin duhet të rregullohet Propozim-Ligji për amnisti.
Takimi të hënën u ndërpre për shkak të informacioneve të reja për të cilat nevojiten konsultime plotësuese lidhur me vendimin ligjor për amnistinë e një pjese të pjesëmarrësve të ngjarjeve në Kuvend më 27 prill të vitit të kaluar.
Propozimi i përcaktuar i vendimit ligjor të nëngrupit më pas duhet t’i dërgohet Trupit Koordinues të cilin e kryesojnë nënkryetarja e Kuvendit, Frosina Tashevska Remenski dhe Emilija Aleksandrova nga grupi i pavarur i deputetëve, ndërsa i numëron 25 anëtarë në mesin e të cilëve edhe nënkryetarët e Kuvendit, koordinatorët e grupeve të deputetëve me përjashtim të VMRO-DPMNE-së dhe përfaqësuesve të deputetëve të pavarur dhe partive të cilat nuk kanë grupe të deputetëve.
D. T.
