Qeveria do t’i ndihmoj gazetat ditore me 50 milionë denarë për shtyp dhe distribuim me qëllim të zhvillimit më të madh të këtyre mediave tradicionale pasi të njëjtat janë drejt zhdukjes pothuajse në gjithë botën. Mediave të shtypura në gjuhën maqedonase do tu mbulohen 50% e shpenzimeve për vitin 2017, ndërsa mediave në gjuhën shqipe dhe etniteteve të tjera këto shpenzime do tu mbulohen deri 70%. Ministri i Komunikimit, Transparencës dhe Llogaridhënies Robert Popovski i pyetur nëse do ketë mbështetje financiare edhe për mediat elektronike tha se në qoftë se do të ketë kërkesa për këtë çështje e njëjta do të shqyrtohet patjetër.
Nëse ka ndonjë nismë nga organizata të ndryshme gjithsesi se do ti shqyrtojmë. Politika kyçe e kësaj qeverie është që t’i jepet mbështetje mediave pastaj të jetë publike dhe transparente e bazuar në kritere precize, asnjëherë më mos të ketë investime të parave në media për korruptimin e tyre apo çfarëdo ndikimi dhe kontrolli tjetër. Për këto arsye them se çdo nismë që do të thotë mbështetje për mediat dhe e cila nënkupton mbështetje të profesionit të gazetarisë, paga më të larta dhe kushte më të mira për punë për gazetarët. Ne jemi ta gatshëm ta shqyrtojmë këtë, ta mbështesim dhe të marrim pjesë në mënyrë aktive për zhvillimin e tyre.” – theksoi Robert Popovski- Ministër i Komunikimit, Transparencës dhe Llogaridhënies
