Në organizim të Qendrës për shërbime shtetërore nga Astana së bashku me Ministrinë e Shoqërisë Informatike dhe Administratës sot dhe nesër në Shkup do të mbahet konferencë në temë “Sfidat bashkëkohore në administratën publike dhe roli i partneritetit për arritjen e zgjidhjeve”.
Qëllimi i konferencës është që ta theksojë rolin e partneritetit për tejkalimin e sfidave bashkëkohore përmes prezantimit të praktikave të vendeve, si dhe bashkëpunimi për avancim të shërbimeve shtetërore dhe leksionet e mësuara.
Në konferencë fjalim do të kenë ministri i Shoqërisë Informatike dhe Administratës,Damjan Mançevski, drejtori i Bordit Drejtues të Qendrës për shërbime shtetërore në Astana Alikhan Baimenov, ministri serb për Administratë Publike dhe Vetëqeverisje Lokale, Branko Ruzhiq, ministri kosovar për Administratë Mahir Jagliçar.
Fjalime do të kenë edhe sekretari shtetëror në MSHIA, Jahi Jahija, drejtori i Shkollës Rajonale për Administratë Publike Ratka Sekuloviç dhe përfaqësues i menaxhmentit financiar të SIGMA – OECD, Mirosllava Boriczka. (MIA)
