Pushteti është i paaftë ta realizojë premtimin e dhënë. Mospuna dhe paaftësia janë pasqyra kryesore e kësaj qeveria dhe për këtë bën ribalanc. Është e palejueshme që një shtet në zhvillim si Republika e Maqedonisë të ketë rritje ekonomike prej 1,2 apo 3 për qind dhe nivel të investimeve kapitale për tetë muaj për vetëm 23.3 për qind.
Kështu theksohet në kumtesën e VMRO-DPMNE-së ku shtohet se debakël klasik dhe pasqyrë e mosnjohjes elementare është që për tetë muaj niveli i investimeve të realizuara kapitale të jetë 23,3 për qind.
Sipas tyre, ekonomia në Maqedoni po fundoset në çdo aspekt, ndërsa çdo hap i ardhshëm i pushtetit e përshpejton procesin e fundosjes.
Theksojnë se Zaevi dhe Tevdovski duhet të përgjigjen nëse LSDM-ja me vetëdije e fut shtetin në krizë artificiale ekonomike për shkak të shtyrjes së fuqishme të marrëveshjes së Prespës, e cila sipas qëndrimit të qytetarëve nga referendumi është e vdekur juridikisht-politikisht.
“Zaevi premtoi rritje të ekonomisë prej mbi 5 për qind në të gjitha vitet e mandatit. Vitin e parë e përfundoi me 0 për qind, ndërsa ky vit lëviz në linjën e mbijetesës. Këtë e konfirmoi edhe FMN-ja, të cilat e kanë zvogëluar shkallën e projektuar të rritjes për këtë vit në 1,6 për qind të ulëta, në kushte kur rajoni dhe Evropa galopojnë”, theksohet në kumtesën e VMRO-DPMNE. (MIA)
