Santa Argirova, Zvezdan Georgievski, Jasmin Rexhepi dhe Mersiha Smailoviq, kolumnistët të cilët kishit mundësinë t’i lexoni gjatë muajve të kaluar në faqet e CIVIL -Media, si dhe gazetarja Milka Smilevska, do të keni mundësinë t’i dëgjoni sot, drejtpërdrejtë para jush në ngjarjen Patriotizëm – PO , nacionalizëm -JO! në organizim të CIVIL -Qendrës për Liri.
Përveç folësve të paralajmëruar, me fjalë të veta mund të paraqiten edhe mysafirët prezentë. Janë të mirëseardhur edhe ata që nuk janë paralajmëruar, por me vullnet të mirë. Të gjithë pjesëmarrësit mund të paraqiten me diskutime të shkurta deri tre minuta në temën e ngjarjes, me podium të hapur për pyetje, komente dhe replika.
Kjo ngjarje është pjesë e projektit “Patriotizëm – PO, nacionalizëm -JO!”, me mbështetje nga program Civika Mobilitas, i implementuar nga MCMS, dhe i financuar nga Agjencia Zvicërane për zhvillim dhe bashkëpunim.
Projekti ka për qëllim të kontribuojë për zvogëlimin e pasojave shkatërruese nga nacionalizmi dhe ekstremizmi në shoqëri dhe ta shpjegojë dallimin mes patriotizmit dhe nacionalizmit. Më tej, projekti i paraqet përfitimet nga forcimi i bashkëjetesës, përmirësimit të marrëdhënieve fqinjësore dhe ndaj përshpejtimit të proceseve integruese euro-atlantike.
Projekti merret me çështje për atë se çfarë do të thotë patriotizmi, dhe çfarë nacionalizmi, cilat janë përfitimet nga njëri, dhe pasojat nga tjetri? Çfarë munden të bëjnë qytetarët, dhe çfarë institucionet dhe strukturat tjera të fuqisë, që të tejkalohen pasojat nga ndikimi destruktiv i nacionalizmit?
Në ngjarjen publike do të prezantohen publikisht edhe rezultatet, gjetjet, analizat dhe rekomandimet e projektit, të cilat bazohen në intervistat dhe anketat që i zbatoi Civili.
