Në Gjykatën penale në Shkup sot duhet të publikohet aktvendimi për dy të akuzuarit për dhunë në procedurën e ndarë për sulmin ndaj deputetit Ziadin Sela në Kuvendin e Republikës së Maqedonisë më 27 prill të vitit të kaluar.
Në seancën e kaluar, dy të akuzuarit, Cejo Georgievski dhe Stojan Pavlevski e pranuan fajin për veprën. Që të dy, në fjalët përfundimtare, thanë se pendohen për veprën e kryer dhe se nuk kanë pasur për qëllim të lëndojnë askënd.
Përfaqësuesi i padisë, Darko Jakimovski, në fjalët përfundimtare tha se duke pasur parasysh pranimin e fajit, Gjykata të akuzuarit t’i shpallë fajtorë dhe t’u caktojë dënime për veprën e kryer.
“Dënimi për vepër të këtillë është prej gjashtë muajve deri pesë vite, që hapë mundësi për sanksionim alternativ. Konsideroj se çfarëdo lloj ndëshkimi alternativ do të thotë banalizim i veprës. Nëse kështu lehtë hyhet në Kuvend dhe sulmohet, çka bëhet me objektet e tjera të mbrojtura. Të akuzuarit kanë qenë të vetëdijshëm, pa dallim të shkasit, se e kanë tejkaluar kufirin e lejuar”, tha Jakimovski.
Theksoi se të akuzuarit nuk përgjigjen vetëm për sulm ndaj Selës, por për tërë veprimet në Kuvend dhe në qendrën për shtyp.
Procedura për shtatë të akuzuarit për sulmin ndaj Selës në Kuvendin e Republikës së Maqedonis vazhdon më 2 dhe 5 korrik, për kur janë caktuar fjalët përfundimtare. Për tentim për vrasje të Selës, sipas padisë së re, të akuzuar janë Kire Georgievski, Oliver oshavkovski, Nikollçe Dimitrievski, Aleksandar Janevski – Toshta, Andrej Micov, Nikolla Vojminovski dhe Kosta Dellov.
(MIA)
