Drejtoria e Turqisë për Siguri paralajmëroi se disa grupe të mëdha emigrantësh nga Afganistani lëvizin drejt territorit turk. Sipas të dhënave të shërbimeve për migrim, në ditë nga 500 refugjatë e kalojnë kufirin turk edhe krahas masave të përforcuara të sigurisë.
Për vetëm tre muaj në Turqi kanë hyrë 20 mijë persona nga Afganistani. Në periudhën prej më 26 mars deri më 1 prill kanë arritur mbi tre mijë persona. Në lidhje me situatën në Erzurum, funksionon Drejtoria për luftë kundër migrimit ilegal.
Sipas informacioneve të shërbimeve turke të sigurisë, afganët kanë hyrë me grupe të tjera të mëdha të emigrantëve. Afganët kanë arritur në Turqi nga Irani, ndërsa më pas më këmbë përmes rajoneve lindore kufitare Van, Jagdar, Agrja dhe Hakjari, kanë arritur në Erzurum. Autoritetet kompetente atje kanë siguruar transport për 500 dollarë për një njeri që t’i transportojnë deri në Stamboll ose në kufijtë perëndimorë me Bullgarinë dhe Turqinë prej ku kanë vazhduar drejt Evropës.
Një pjesë e emigrantëve nga Afganistani, në mesin e të cilëve ka pasur gra dhe fëmijë, kanë qëndruar në Stamboll, ku sipas policisë lokale, janë marrë me vjedhje, prostitucion dhe kanë punuar në mënyrë ilegale në ndërtimtari.
Burimi: MIA