Lideri i partisë së vogël greke, Lidhja e Centralistëve, Vasilis Leventis, zotohet të mos ketë lëshime nga pozicioni kundër emrit të përbërë duke e përfshirë termin Maqedoni dhe gjithashtu i bëri thirrje qeverisë greke t’i bëjë presion vendit tonë për të ndryshuar qëndrimin në çështjen e emrit, potencon agjencia greke ANA-MPA.
Leventis u takua me shefin e diplomacisë greke, ndërsa takimi ka kaluar në klimë shumë të mirë.
Siç lajmëroi korrespodenti i MIA-s nga Athina, Leventis pas takimit me Koxias deklaroi se Lidhja e Centralistëve mbeten besnik ndaj qëndrimeve të tyre dhe në Kuvend nuk do të votojnë marrëveshje eventuale për emrin me përfshirjen e termit Maqedoni.
“Zotri Koxias beson se nëse qytetarët e Shkupit bëjnë edhe disa lëshime, ka gjasa që të gjendet zgjidhje. Gjithsesi, kur thotë zgjidhje, mendon ta përmbajë termin Maqedoni. Dhe këtë e tha pa frikë, tha se jemi shtet i madh dhe nuk ka për çka të frikësohemi nga një shtet i vogël, nga Shkupi. Por, unë ju përgjigja se Turqia është dhjetë herë më e madhe se Greqia, ashtu që me logjikën e njëjtë, Turqia do të duhet të bëjë çfarë të dëshiron dhe ne do t’i nënshtrohemi Turqisë”, tha Leventis pas bisedimeve me shefin e diplomacisë greke.
Për pasdite është caktuar takimi i fundit i shefit të diplomacisë greke me liderët e partive politike në kuadër të serisë së takimeve për informimin e rrjedhës së bisedimeve. Nikos Koxias kësaj radhe do të takohet me përgjegjësin për politikë të jashtme të partisë opozitare Demokracia e Re, Jorgos Kumucakos pasi që lideri i partisë Kirjakos Micotakis refuzoi brifing me Koxias dhe kërkoi atë ta realizojë Cipras.
Burimi: MIA