Dialogu me Serbinë është i pamundur për shkak të fushatës agresive të Beogradit për mosnjohjen e pavarësisë së Kosovës dhe deklaratën e kryeministres Bërnabiq në lidhje me pjesëmarrjen e Prishtinës në një takim të nivelit të lartë të BE-së për Ballkanin Perëndimor, në Sofje, deklaroi zëvendëskryeministri i Qeverisë së Kosovës, Enver Hoxhaj, cituar nga gazeta ditore e Prishtinës “Zëri”.
Ai thotë se Prishtina do të përgjigjet paralelisht ndaj atyre veprimeve, të cilat janë kundër normalizimit të raporteve midis Beogradit dhe Prishtinës.
Bërnabiq të hënën deklaroi se është “absurd politik” Kosova të merr pjesë në takimin evropian në nivel të lartë për Ballkanin Perëndimor në Sofje, si dhe atë se Beogradi do të vendos nëse do të merr pjesë në mbledhje, varësisht nga veprimet e Prishtinës për formimin e Bashkësisë të komunave serbe.
Burimi: MIA
