Kryetari i Komunës Qendër, Sasha Bogdanoviq u takua me banorët e lagjeve afër Kalasë dhe u premtoi se pas festave të Pashkëve, të martën, do të fillojë vendosja e rrjetit të ri ujësjellës, ndërsa në vendin e gropimit rrugët do të asfaltohen.
Siç informuan nga komuna Qendër, gjatë takimit, banorët theksuan se pinë ujë jocilësor dhe të papastër nga gypa të vjetër të ujësjellësit dhe për atë shkak më të vegjlit kanë probleme shëndetësore.
Të gjithë banorët e kyçur në mënyrë të paligjshme, siç ceket, do të përjashtohen dhe në mënyrë të rregullt do të marrin dhe paguajnë ujë cilësor.
Komuna Qendër kumtoi se do të zgjidhen edhe rastet për legalizim, ndërsa autoritetet kompetente do të kenë më shumë kujdes për higjienën.
Burimi: MIA
