AKTIVITETE@MK
Me rastin e dhjetëvjetorit të ekzistencës, shoqata “GONG” nga Kroacia organizon udhëtim rajonal aktivist dhe artistik “Në kërkim të qytetares/qytetarit” në Zagreb më 13 prill 2017, si dhe program artistik – kulturor gjatë tërë mbrëmjes, në bashkëpunim me shoqatat Kurziv dhe Domino nga Zagrebi, Qendra për dekontaminim kulturor nga Beogradi, Parlamenti i Helsinkit nga Banja Lluka, CIVIL –Qendra për Liri nga Shkupi, Anima nga Kotori, shoqata Solidarja dhe Kultura e ndryshimeve pranë qendrës studentore në Zagreb, me mbështetje financiare nga programi i Evropës për qytetarët.
Qëllimi i kësaj konference rajonale është afirmimi dhe hulumtimi i traditës së aktivizmit progresiv dhe i kreativitetit artistik në kohën turbulente të transformimit të formave dominante politike, kulturore dhe sociale në hapësirën post – jugosllave, të shënuar me konflikte lufte, varfëri, shkatërrimin e të mirave publike dhe mjedisis jetësor, mosbesimin dhe ndarjet e thella mes popujve.
Pjesëmarrësit dhe folësit janë përzierje e gjeneratave të ndryshme, me interesa të ndryshme tematike, dhe nga lokacione të ndryshme nga shtetet e mëparshme jugosllave.
Konferenca do të hapet me performacën interaktive “Asnjëherë më. Asnjëherë. Përsëri?” (“Never again. Never. Again?”) të artistes nga Bosnja Elma Selman. Në orët e mbrëmjes do të hapet ekspozita “Rezistencë, lëvizje, ndryshim: fragmente nga praktikat aktiviste dhe artistike nga fundi i viteve të 80-ta”, e moderuar nga Kurziv, monodrama “Për arsimim postdiplomik” e Vili Matulla dhe Sinisha Llabroviq, me muzikë nga Igor Pavlloviq, ndërsa këtu është edhe dëgjimorja muzikore aktiviste e Illko Çuliq, që me siguri premton zbavitje të mirë.
Për pjesëmarrje në konferencën mund të paraqiteni përmes më së voni deri më 7 prill, ndërsa për informata plotësuese mund të kontaktohet Marina Shkraballo nga GONG, në marina”gong.hr.
