CIVIL – Qendra Liri organizon komemoracion për Kreshnik Ajdinin, intelektual, gazetar dhe veprimtar shoqëror, i cili ndërroi jetë më 16 qershor 2023, në moshën 55 vjeçare.
Përkujtimi për mikun, kolegun dhe anëtarin e Kuvendit të CIVIL-it, Kreshnik Ajdini, do të mbahet nesër (e mërkurë), më 21 qershor, në ora 13:00, në Teatrin Shqiptar, Shkup.
“Ju ftojmë së bashku të shprehim mirënjohjen dhe dashurinë tonë për mikun dhe kolegun tonë dhe të përmendim madhështinë e tij përmes kujtimeve tona për të”, shprehen nga CIVILi.
Kreshnik Ajdini është një nga themeluesit e CIVIL – Qendrës për Liri në vitin 1999 dhe platformës mediatike CIVIL Media në vitin 2009.
Ajdini është themeluesi dhe pronari i Life Radio në vitin 2002, e njohur për përmbajtjet me përgjegjësi shoqërore dhe mesazhet e paqes dhe proceseve të pajtimit në vend.
Ka përkthyer një numër të madh veprash të rëndësishme nga gjuha shqipe në maqedonase dhe anasjelltas, të cilat dhanë një kontribut të madh në njohjen e dy kulturave.
Kreshniku do të mbetet përgjithmonë në kujtesën tonë për ngrohtësinë, qetësinë, urtësinë dhe mirësinë e tij.
Kuvendi i CIVIL-it
