Qeveria, në seancën e sotme të 11-të, i shqyrtoi rekomandimet e Komisionit për Sëmundje Infektive për mbajtjen e detyrueshme të maskave mbrojtëse ose pajisjeve mbrojtëse kudo gjatë qëndrimit në ambiente të jashtme, të brendshme në në ambiente të mbyllura në objekte publike dhe në transportin publik dhe privat, për ndalimin e grupimeve nëpër shtëpi në festa familjare, si dhe propozimin për të ndaluar grupimin e më shumë se katër personave në hapësirën publike pas orës 22:00, duke konkluduar se për zbatimin e tyre është e nevojshme të bëhen ndryshimet e duhura në Ligjin për mbrojtjen e popullatës nga sëmundjet infektive.
Siç thuhet në kumtesën nga seanca qeveritare, Komisioni për Sëmundjet Infektive propozoi mbajtjen e detyrueshme të maskave mbrojtëse ose pajisjeve mbrojtëse (shall ose një lloj tjetër mbulese të hundës dhe gojës), kudo që ndodhen jashtë, brenda në objekte publike, në vend të punës, në transportin publik dhe privat, me përjashtime që përfshijnë sporte të jashtme dhe të brendshme në përputhje me protokollet e sigurisë, gjatë transportit me automjete private nëse të gjithë personat në automjet janë nga e njëjta familje ose jetojnë në një familje të përbashkët, në mjediset e hotelierisë duke respektuar protokollet për distancën dhe dezinfektimin, gjatë qëndrimit në hapësira zyrtare – zyrë nëse personi është vetëm në hapësirë, si dhe për fëmijë deri në 6 vjeç, gjegjësisht për fëmijët parashkollorë, pastaj për ndalimin e grupimit në shtëpi për festat familjare, festa dhe tubime të tjera në grupe, ku propozohet që në një ngjarje familjare në një banesë, apartament ose shtëpi mund të pranohen maksimumi katër persona, si dhe të ndalohet grupimi i më shumë se katër personave në një hapësirë publike pas orës 22:00, pra të ndalohet grupimin në parqe, zona publike ose kudo në vend të hapur.
“Lidhur me këto rekomandime, Qeveria arriti në përfundimin se për zbatimin e tyre është e nevojshme të bëhen ndryshimet e duhura në Ligjin për mbrojtjen e popullatës nga sëmundjet infektive, i cili do të sigurojë një mundësi me akte nënligjore për Qeverinë për të rregulluar masat e propozuara për të parandaluar dukurinë, zbulimin e hershëm, parandalimin dhe përhapjen e sëmundjeve infektive dhe infeksioneve, të drejtat dhe detyrimet e institucioneve të kujdesit shëndetësor, personave juridikë dhe fizik, si dhe mbikëqyrjen mbi zbatimin e masave për të mbrojtur popullatën nga sëmundjet infektive”, thuhet në komunikatë.
Në seancë është shqyrtuar dhe miratuar Informacioni për lidhjen e Marrëveshjes për detyrimet e ndërmarra mes Qeverisë dhe Shoqatës globale të vaksinave (GAVI), për furnizimin e vaksinave për KOVID-19 përmes mekanizmit KOVAKS për sigurimin e qasjes globale dhe të barabartë në vaksinat e sigurta dhe efektive për KOVID-19, të ratifikuara dhe rregulluara nga Organizata Botërore e Shëndetësisë dhe është pranuar teksti i Marrëveshjes detyruese për furnizimin e vaksinave.
