Në Komunën e Kumanovës do të promovohet Karta Rinore për Paqe, dokument me rekomandime për tejkalimin e konflikteve ndëretnike dhe përforcim të bashkëpunimit dhe dialogut midis komuniteteve.
Karta për Paqe përmban qëndrime dhe kërkesa të qindra të rinjve nga përkatësi të ndryshme etnike nga komunat e Kumanovës, Kriva Pallankë, Nagoriçan të Vjetër, Likovë dhe Kratovë, të cilët përmes serisë së ngjarjeve patën mundësi të njihen mes vete, të negociojnë për problemet e tyre, të propozojnë dhe të kërkojnë zgjidhje për tejkalimin e tyre, si dhe të ndërmarrin aksione të përbashkëta për përmirësimin e interaksionit dhe bashkëpunimit midis të rinjve.
Karta për Paqe do të promovohet në kuadër të ngjarjes përfundimtare të organizuar për prezantimin e rezultateve nga realizimi i projektit “Përforcim i bashkëpunimit dhe dialogut midis bashkësive përmes Marrëveshjes së Ohrit” të financuar nga Bashkimi Evropian dhe i bashkëfinancuar nga Agjencia Suedeze për Zhvillim Ndërkombëtar dhe Bashkëpunim, Sida. (MIA)
