Në Gjykatën penale sot duhet të mbahen seancat për lëndët e PSP-së “Trajektoria” dhe “Tarifa”.
Në rastin “Trajektoria” të akuzuar janë katër persona zyrtarë – ish-funksionarë të lartë qeveritarë. Ata janë të dyshuar se në gjysmën e dytë të vitit 2012 dhe gjatl vitit 2013 kanë ndërmarrë disa veprime me të cialt procedura për zgjedhje të kompanisë për ndërtim të akseve të autostradës Milladinovc – Shtip dhe Kërçovë – Ohër i kanë shfrytëzuar dhe tejkaluar autorizimet e veta. Ata sipas PSP-së, i kanë shkaktuar dëm buxhetit shtetëror së paku 155.117.172 euro dhe për shumën e njejtë, kompanisë – kryese të punimeve i kanë mundësuar të përfitojë dobi pronësore.
Seancë duhet të mbahet edhe për rastin “Tarifa” të PSP-së, ku të akuzuar janë ish-drejtori i përgjithshëm i SHA ELEM, Dejan Boshkovski dhe dy persona të tjerë.
Bëhet fjalë për të akuzuarit për furnizim të kundërligjshëm të sistemit softuerik për nevojat e kompanisë shtetërore “Elektranat e Maqedonisë” në vlerë prej rreth katër milionë eurove. Sipas aktakuzës së PSP-së, të akuzuarit e keqpërdorën pozitën zyrtare dhe autorizimin në procedurën për furnizim publikm të softuerit – “ERP Sistem”. Të akuzuarit me moskryerje të pozitës zyrtare mundësuan që personi juridik – konsorciumi, i cili më vonë e fitoi tenderin të kualifikohet në fazën e dytë të negociimit gjatë furnizimit publik, edhe pse nuk ka pasur dokumentacion të plotë të parashtruar.
(MIA)
