Shefi i diplomacisë greke Nikos Koxias në takimin e sotëm të parë nga seria e takimeve me liderët e partive politike e ka informuar Dimitris Kucubasin, liderin e komunistëve grekë për bisedimet me autoritetet në Maqedoni dhe Shqipëri dhe për marrëdhëniet turko-greke dhe çështjen qipriote, kumtoi Kabineti i Partisë Komuniste të Greqisë.
“Ministri i Punëve të Jashtme e ka njoftuar sekretarin e përgjithshëm të Partisë Komuniste të Greqisë për ngjarjet e fundit, pas bisedimeve të Qeverisë greke me udhëheqësinë e IJRM-së dhe të Shqipërisë, por edhe për ngjarjet të cilat kanë të bëjnë në marrëdhëniet turko-greke dhe për çështjen qipriote”, kumtojnë nga Partia Komuniste, njofton korrespondenti i MIA-s nga Athina.
Dimitris Kucubas, ndërkaq, e ka njoftuar Nikos Koxiasin për pozicionet e partisë dhe ka shfaqur shqetësim për ngjarjet e rrezikshme në Ballkan, por edhe të rajonit më të gjerë.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
