CIVIL-Qendra për Liri u dërgon porosi gazetareve dhe gazetarëve qytetarë që të incizojnë, fotografojnë dhe shkruajnë gjatë fushatës së partive politike.
Edhe pse pritet që fushata e partive politike në 35 komuna, ku do të ketë rivotim më 29 tetor, të kalojë qetë, mirëpo, rekomandimi i Civilit është që të jemi të zgjuar dhe të kujdesshëm.
Të mësuar nga eksperienca shumëvjeçare me monitorimin zgjedhor, zgjedhjet lokale mund të jenë edhe më tensionuese ashtu siç afrohet dita e votimit në rrethin e dytë.
Civili rekomandon: “Jeni të fokusuar, ndiqni se çfarë ndodhë në komunën tuaj, lajmëroni. Për çfarë do pyetje dhe sugjerim, ekipi monitorues mbetet ditë dhe natë në dispozicion. Në betejën tonë të përbashkët në kontributin për zgjedhje të lira, kemi zero tolerancë ndaj parregullsive zgjedhore.”
Çdo informacion, incizim, fotografi, mund të dërgoni në monitor@civil.mk ose të paraqiteni në numrat e telefonit: 02 / 5209 176, 071 608 523, 078 / 746 138. Në dispozicion është edhe formulari online www.slobodniizbori.info
Në ueb faqen www.civilmedia.mk në gjuhën maqedonase dhe www.drejt.mk në gjuhën shqipe, do të publikohen informatat dhe raportet nga monitorimi zgjedhor që do t’i marrim nga vëzhguesit, gazetarët dhe gazetaret qytetarë, por edhe shumë informacione tjera të rëndësishme për qytetarët dhe qytetaret.
