Mbikqyrja e jashtëzakonshme e zbatuar nga Agjencia për Shërbime Audio dhe Audiovizuele, në programin e Televizionit Nova, të emituar më 27 prill gjatë hyrjes së një pjese të demonstrantëve nga iniciative “ Për Maqedoni të përbashkët”, gjatë së cilës më tepër deputetë ishin të lënduar, tregon se “gjatë informimit për ngjarjet në Kuvendin e Republikës së Maqedonisë nuk janë repsektuar parimet profesionale për kryerje të detyrës, gjegjëlsisht, se televizioni nuk ka siguruar pasqyrim objektiv dhe të paanshëm të ngjarjeve me trajtim të barabartë të pikëpamjeve dhe mendimeve të ndryshme, dhe mundësimin e formimit të lirë të publikut për ngjarje dhe çështje të caktuara”.
Me këtë lloj të informimit të anshëm dhe jo objektiv, Televizioni Nova e ka shkelur nenin 61 paragrafi 1 alinea 9 nga Ligji për shërbime audio dhe audiovizuele.
Sipas mbikqyrjes së ASHMA, “televizioni i paraqet ngjarjet në mënyrë dominante përmes prizmës së një pikëpamjeje e cila u sugjerohet shikuesve me përmbajtje ofenduese dhe me elemente të diskriminimit dhe stereotipizimit”.
Si shembuj për mënyrën me të cilën ka informuar Televizioni Nova, janë treguar deklaratat e mysafirëve të cilët përgjegjësinë për dhunën në Kuvend e kanë gjetur te LSDM, duke përfunduar se “deputetët e LSDM janë vetë fajtorë”. Retorika me të cilën mysafirët janë shërbyer, në vete përmban shprehje të urrejtjes, diskriminim dhe nxit dhunë. Sipas udhëheqëseve të përmbajtjes informative, hyrja e dhunshme në Kuvend, do të thotë se “populli e kthen Kuvendin në duart e veta”.
Mysafirët që i komentuan ngjarjet në Kuvend janë Ivanka Dodovska, Tatjana Karakamisheva dhe Asleksandar Klimovski.
Lajmet e shkurta ditore dhe lajmet qendrore i udhëhiqnin Biljana Vasileva Trendafillova dhe Bojana Dimitrijevska.
