CIVIL-i sot do të bëjë prezantim publik të Raportit gjithëpërfshirës mbi Zgjedhjet Vendore të vitit 2025 në Maqedoninë e Veriut, i cili përmbledh gjetjet kryesore nga procesi zgjedhor dhe ofron rekomandime strategjike për avancimin e standardeve demokratike dhe integritetit zgjedhor. Ngjarja do të mbahet në Qendrën e Burimeve Qytetare, Shkup, me fillim nga ora 14:00.
Raporti bazohet në monitorimin sistematik dhe afatgjatë të procesit zgjedhor dhe ofron një analizë të detajuar të sfidave më të rëndësishme me të cilat përballet procesi zgjedhor. Fokusi është në sjelljen institucionale, integritetin zgjedhor, mjedisin mediatik, diskursin publik, si dhe ndikimin e dezinformimit dhe kërcënimeve bashkëkohore hibride në proceset demokratike.
Dokumenti gjithashtu identifikon dobësitë strukturore në sistemin zgjedhor dhe përmbledh mësimet kryesore të nxjerra, duke ofruar rekomandime specifike dhe të zbatueshme për përmirësimin e cikleve të ardhshme zgjedhore dhe forcimin e besimit në procesin zgjedhor.
Prezantimi publik do të pasohet nga një diskutim dhe seancë pyetje-përgjigje, dhe ngjarja do të transmetohet drejtpërdrejt. Gjuhët e punës së ngjarjes janë maqedonishtja dhe shqipja.
Prezantimi është pjesë e konferencës ndërkombëtare “Mbrojtja e Demokracisë: Horizontet e Lirisë”, që synon forcimin e qëndrueshmërisë demokratike, integritetit zgjedhor dhe përballimin e kërcënimeve hibride bashkëkohore.
Projekti “Naviguesi Demokratik” mbështetet nga Ministria për Punë të Jashtme e Republikës Federale të Gjermanisë.
