Me rastin e Ditës së Lirisë së Shtypit, Ambasada Gjermane në Shkup theksoi se gazetaria e pavarur është ilaçi më i mirë kundër shkeljes së të drejtave të njeriut dhe keqpërdorimit të pushtetit.
Në Ditën e Lirisë së Shtypit, ne vlerësojmë lartë guximin e gazetarëve dhe rolin e tyre vendimtar në stabilitetin e demokracisë dhe përparimin e arritur në fushën e lirisë së shtypit këtu në Maqedoninë e Veriut. Gazetaria e pavarur është „ilaçi“ më i mirë kundër shkeljeve të të drejtave të njeriut dhe abuzimit me pushtetin.
Liria e shtypit ka nevojë për mbështetjen dhe mbrojtjen tonë të vazhdueshme – në Gjermani, në Maqedoninë e Veriut dhe në mbarë botën, Gjermania angazhohet për këtë.
Puna e pavarur e gazetarëve është thelbësore, siç e kanë dëshmuar edhe një herë protestat në Iran dhe krimet ruse të luftës në Ukrainë. Pikërisht këtë e shpreh edhe motoja e sivjetme për Ditën e Lirisë së Shtypit: “Liria e shprehjes si motor për të gjitha të drejtat e tjera të njeriut”.
;
Nga Ambasada Gjermane në Shkup i falënderuan të gjithë që kontribuojnë për lirinë e shtypit.
