Në Maqedoninë e Veriut është krijuar një frymë destruktive dhe fushatë e koordinuar që ka për synim tensione dhe destabilizim. Kjo fushatë e orkestruar hibride po e shfrytëzon kontestin me Bullgarinë, dhe pikërisht ky problem është pika nga ku synohet që të krijohen zhvillime retrograde që kanë si target rritjen e vazhdueshme të euroskepticizmit.
Kontesti me bullgarët po shfrytëzohet vetëm si pretekst, në këtë situatë të zhvillimeve të mëdha gjeostrategjike, që ndërlidhen me agresionin rus në Ukrainë.
Qarqet proruse është e qartë se po zhvillojnë betejën e ashpër aktive hibride përmes kanaleve të ndryshme, prapavijave politike tek disa faktorë politik në Maqedoninë e Veriut dhe rrjeteve sociale me fake neës dhe propagandë të mirë orkestruar.
Propozimi francez ende u përfshi nga rrëmuja dhe nxitja që e krijoi fillimisht opozita dhe me pas edhe media të caktuara, që ia arritën qëllimit duke imponuar këtë opinion refuzues.
Ne e dijmë se BE ia ka nxjerrë fundin me zvarritjet dhe jokonsistencën e saj në raport me procesin eurointegrues të Ballkanit Perëndimor. Por, propozimi francez duhet të pranohej në mënyrë konstruktive dhe të ishte pjesë e një debati konstruktiv, dhe jo të jetë pjesë e një fushate të egër armiqësore, linçimit dhe ultimatumeve.
Vlerësoj se pas votimit bullgar për heqjen e vetos, në Maqedoninë e Veriut duhet të mbizotërojë qasje konstruktive dhe të arrihet një kompromis I përgjithshëm për të hapur negociatat për anëtarësim në BE, sepse ky proces ka benefite të mëdha për vendin.
Naser Pajaziti, drejtor i INA- Iliria News Agency për CIVIL Media.
CIVIL Media u parashtroi pyetje kryeredaktorëve të mediave të Maqedonisë së veriut për gjendjen aktuale me Maqedoninë e Veriut dhe Bullgarinë dhe Samitin në Bruksel për Ballkanin perëndimor. T[ gjitha përgjigjet do të botohen në platformën mediatike të CIVIL -Qendrës për Liri, CIVIL Media.
