Kryeministri bullgar Kiril Petkov në një shkrim në profilin e tij në Fejsbuk njoftoi se askush nuk do t’i pengojë atë dhe kryeministrin e Maqedonisë së Veriut, Dimitar Kovaçevski që të përparojnë në marrëdhëniet ndërmjet Sofjes dhe Shkupit, informoi korrespondenti i MIA-s nga Sofja.
Sipas Petkovit, Republika e Bullgarisë dhe Republika e Maqedonisë së Veriut duhet në mënyrë aktive ta promovojnë zhvillimin e kompanive të përbashkëta, të cilat bashkë do të krijojnë vlerë të madhe të shtuar, të kenë ekonomi rritëse, kampe të përbashkëta për fëmije, koncerte të përbashkëta, të kemi programe të përbashkëta arsimore, të mos ketë kufizime ndërmjet dy vendeve tona, të mos ketë diskriminim, të mos ketë gjuhë të urrejtjes, të ndërtohen autostrada dhe të kemi linja moderne hekurudhore.
Për shumë persona, sipas kryeministrit bullgar Kiril Petkov, këto fjalë duken si ëndërr, të tjerë organizojnë çfarëdo lloj provokimesh që kjo të mos ndodhë, ndërsa të tretë thjeshtë nuk duan stabilitet në Ballkan.
“Unë dhe Dimitari besojmë se kjo është e mundur, dhe nuk do t’i nënshtrohemi provokimeve, por do të punojmë me këmbëngulje dhe bashkë ta arrijmë atë. Ndërsa të gjitha palët mundem vetëm t’i porosis “nuk do të na pengoni!”, njoftoi Petkov.