Vendimet për personat të cilët duhet të jenë në izolim do të publikohen në ueb faqen e Inspektoratit Shtetëror Sanitar dhe Shëndetësor dhe plotësisht në Gazetën zyrtare në afatin e mundshëm më të shkurtër, me qëllim të rrjedhjes së shpejtë të informatave, zvogëlim të dallimit kohor ndërmjet momenteve kur është konstatuar nevoja e izolimit, dhënia e vendimit për izolim dhe publikimi i tij.
Prej dje Komisioni i ri për Sëmundje Infektive është me përbërje të re të zgjeruar, por megjithatë me qëndrimin e njejtë, ka apeluar në vaksinim masiv për përfundim më të shpejtë të pandemisë. Lidhje me vendimin e ri, zgjidhjet e izolimit të publikohen në ueb faqen e ISHSSH-së, do të zvogëlohen mundësitë për keqpërdorim në periudhën derisa nuk publikohet vendimi, ndërsa me atë zvogëlohen edhe rreziqet nga numri plotësues i rasteve pozitive me KOVID-19.
“Për këtë mënyrë të dorëzimit të vendimeve qytetarët paraprakisht do të njoftohen përmes numrit të telefonit në institucionin ku është kryer testimi, ndërsa do të ekzistojë mundësi të jepet vërtetim se është dhënë shpallje publike për izolim me kërkesë të shkruar të qytetarëve”, informuan dje nga Qeveria.
Numri i përgjithshëm i personave të diagnostifikuar me Kovid-19 në vend nga fillimi i epidemisë arrin 270.897. Janë shëruar gjithsej 247.670 persona, ndërsa kanë vdekur 8.444. Numri i rasteve aktive arrin 14.783.