Bashkimi Evropian ka vlerat e saja, por për fat të keq nuk i respekton në disa fusha konkrete, ndërsa një nga ato që prek Maqedoninë e Veriut dhe rajonin është politika e zgjerimit e cila assesi nuk funksion, konsideron ish euroambasadori në vend, Ervan Fuere.
“Ky është dështim i BE-së për të kuptuar plotësisht pasojat negative nga udhëkryqet e fundit dhe vetos bullgare, jo vetëm për gjasat në procesin e aderimit në BE, por edhe mbi qytetarët që e shohin perspektivën e tyre në të ardhmen evropiane”, vlerëson Fuere në intervistën për 24 Vesti.
Ai thekson se BE për momentin përballet me udhëkryqe shumë serioze, prandaj duhet të jetë e kujdesshme, pasi mund negativisht të ndikojë mbi ndjenjat e qytetarëve të rajonit.
Duke u kthyer në veton bullgare, Fuere ka thënë se tentimet e Bullgarisë që të vendos historinë dhe identitetin në procesin e zgjerimit të BE-së, paraqesin goditje shtesë mbi politikën e Unionit për zgjerimin dhe e minojnë pozitën e saj jo vetëm në rajon, por edhe në botë.
“Me këtë BE nuk i respekton premtimet e saja, nuk i respekton përcaktimet e saja ndaj rajonit. Nëse dështon në fqinjësinë e saj të afërt, atëherë kjo nuk ka më kuptim për BE-në. Ashtuqë BE-ja doemos urgjentisht të ndryshojë sjelljen”, ka thënë Fuere, duke shtuar se Brukseli nuk ka ndërmarrë mjaftueshëm masa ndaj anëtarëve të saja që i minojnë vlerat evropiane.
Sipas tij, vetoja e Bullgarisë për procesin eurointegrues të vendit është akt i turpshëm i qeverisë bullgare, por është akt i turpshëm edhe për BE-në pasi nuk arriti të parandalojë një vend anëtare të saj “ta kidnapojë politikën e zgjerimit” dhe ta promovojë agjendën e saj nacionaliste në mënyrën që është në kundërshtim me të gjitha vlerat e BE-së.
“E admiroj këmbënguljen e Qeverisë së Maqedonisë së Veriut dhe posaçërisht të qytetarëve të cilëve iu dhanë shumë premtime për pranimin e Marrëveshjes së Prespës, me perspektivën që ajo të hap derën e anëtarësimit në BE dhe negociatat e anëtarësimit, ndërsa në çdo hap ishit të braktisur nga BE-ja. Është dështim i BE-së që nuk e mbajti premtimin në mënyrë flagrante dhe mendoj se kjo ka treguar mungesë mirëkuptimi në BE nga rreziqet që i kanosen nëse vazhdon me këtë politikë”, ka thënë Fuere duke shtuar se gjuha dhe politikën të cilën e përdor Bullgaria janë imperialiste dhe paraqesin rikthim nga shekulli i 19-të.
