Ministrja e Jashtme suedeze dhe kryetarja aktuale e OSBE-së Ann Linde, e cila po bën një vizitë në Maqedoninë Veriore, do të takohet sot në Shkup me Kryeministrin Zoran Zaev dhe Ministrin e Jashtëm Bujar Osmani.
Fokusi i takimeve, siç është njoftuar nga Ministria e Punëve të Jashtme, do të jenë përparësitë e Presidencës Suedeze me OSBE-në, pritjet dhe tendencat në periudhën e ardhshme, sfidat e Organizatës, të cilat do të formojnë përparësitë e kryesisë së Maqedonisë Veriore në vitin 2023.
Ata pritet gjithashtu të shkëmbejnë mendime mbi perspektivat evropiane të vendit.
Linde është planifikuar gjithashtu të takohet me deputetë dhe përfaqësues të shoqërisë civile.
Misioni i OSBE-së në Shkup tha se, vizita e Lindes u përqëndrua në zbatimin e reformave strategjike të vendit, sundimin e ligjit, qeverisjen e mirë, aktivitetet në luftën kundër krimit të organizuar dhe korrupsionit, promovimin e lirisë së medias dhe kohezionit shoqëror. Rëndësia e stabilitetit dhe sigurisë rajonale, përfshirja dhe partneriteti me OSBE-në gjithashtu do të diskutohet.
Maqedonia e Veriut do të kryesojë OSBE-në në 2023 dhe duhet të bashkohet me Trojkën më 1 janar 2022, i cili është një format bashkëpunimi midis presidencës aktuale, të mëparshme dhe të ardhshme.
