Ende herët është për të dhënë rekomandim të përgjithshëm që maskat mbrojtëse të mos mbahen në ambientë të hapur, tha sot ministri i Shëndetësisë Venko Filipçe.
Në përgjigje të pyetjeve të gazetarve, Filipçe tha se kjo u diskutua këtë mëngjes, por që përfundimi është që ne duhet të presim një javë ose dy për një masë të tillë.
“Hapi tjetër do të ishte, por është akoma herët të thuhet kur do të ishte, të mbahen maskat si më parë, pra vetëm në një grup jashtë. Tani është shumë herët. Kjo do të jetë gjëja tjetër për të cilën kemi biseduar. Këtë mëngjes kemi iniciuar diskutim dhe përfundimi është që duhet të presim edhe një javë apo dy”, tha Filipçe.
Tani për tani, është shumë herët për të organizuar dasma dhe koncerte.
“Koncertet dhe dasmat nuk lejohen ende sepse kemi frikë se në këto raste distanca në mes njerëzve të pranishëm mund të zvogëlohet dhe kjo është arsyeja pse ne po shkojmë gradualisht. Nëse trendet vazhdojnë, koncertet do të lejohen”, tha Filipçe.
Propozimet e reja për lehtësimin e masave kufizuese, tha ai, janë për shkak të trendit të zvogëlimit të numrit të infektuarve të sapoinfektuar dhe zbrazjes së konsiderueshme të kapaciteteve spitalore.
