Më 27 prill të vitit 2017 gjatë protestës në Shkup që më vonë rezultoi me hyrje të demonstrantëve në ndërtesën e Parlamentit, gjithsej 21 gazetarë ishin nën kërcënim ose u ishte ndaluar të raportojnë në vendin e ngjarjes. Njëri prej tyre ishte Goran Tërpenoski i cili dje ishte refuzuar nga Gjykata qytetare në Shkup e cila nuk ia pranoi statusin e gazetarit.Federata evropiane e gazetarëve (FEG) dhe anëtarja e saj, Shoqata e Gazetarëve të Maqedonidë (SHGM) e kontesojnë interpretimin e gjykatës së Maqedonisë dhe i bëjnë thirrje edhe njëherë ta shqyrtojnë vendimin e tyre.
Siç njofton SHGM, Goran Tërpenoski ka raportuar për ngjarjet e 27 prillit të vitit 2017 për mediumin onlajn SAKAMDAKAZHAM (sdk.mk). Prejse ndaj tij ishin dërguar kërcënime vendosi të ngrejë një proces gjyqësor për pengesë të së drejtës së qasjes deri te informatat dhe dëmi psikologjik i shkaktuar. Dje, në gjykimin e tij, gjykatësja Jovanka Spirovska Paneva sqaroi se në atë kohë Tërpenoski nuk ka qenë gazetar sepse ka punuar për mediumin onlajn (sdk.mk), që sipas Ligjit për mediume nuk llogaritet si medium, Më tutje në këtë gjykim, gjykata nuk e pranon të drejtën e informacionit si e drejtë kushtetuese.
“FEG dhe SHGM konsiderojnë se me këtë gjykim shkelen standardet juridike evropiane për lirinë e shtypit, të definuara nga Gjykata Evropiane për të Drejtat e Njeriut. Ky gjykim e ka shkelur edhe praktikën gjyqësore të Gjykatës së Apelit në Maqedoni me të cilën u konfirmua se nuk duhet t’u mohoet pozita e gazetarit profesionistëve të cilët punojnë në mediumet e internetit. FEG i bashkangjitet anëtares së saj SHGM në kërkesën të rihulumtohet ky gjykim me të cilin shkelet e drejta e shtypit”, qëndron në kumtesën e SHGM-së.
Federata Evropiane e Gazetarëve (FEG) është organizata më e madhe e gazetarëve në Evropë, e cila përfaqëson më shumë se 320.000 gazetarë në 72 organizata gazetareske në 45 shtete.
