Nuk ka dialog social, është shkatërruar, nuk ka as rritje të pagës minimale, kështu sot Konfederata e sindikatave të lira (KSL) e paralajmëroi protestën e nesërme që do të mbahet në ora 16:00.
Protesta me automobila, nën moton “Mjaft më, e tepruat”, do të fillojë prej tek hoteli “Vip”, përballë Radiotelevizionit të Maqedonisë, ndërsa do të vazhdojë përmes bulevardit “Koço Racin”, deri tek Kuvendi i Republikës së Maqedonisë së Veriut ku është paraparë fjalim. Pastaj, protesta do të vazhdojë drejt Qeverisë.
KSL-ja pret jehonë të madhe. Për protestën janë njoftuar sindikatat ndërkombëtare dhe të gjitha sindikatat vendore, si dhe organizatat civile për mbrojtjen e të drejtave të punëtorëve. Prej atyre është marrë mbështetje, por ende jo edhe nga LSM-ja, e cila gjithashtu është e informuar.
Në pyetje të gazetarëve çka nëse nuk ka përgjigje nga Qeveria edhe pas protestës, kryetari i KSL-së, Bllagoj Ralpovski tha se KSL-ja do të vazhdojë të veprojë edhe më ashpër dhe në mënyrë radikale.
Sipas tij, nën presionin e kapitalit dhe biznesit, bëhet balancim i Ligjit për marrëdhëniet e punës për ditën e diel të jetë ditë jopune, ndërda përmes ligjeve sociale pprcaktohet që punëtorët të punojnë sërish të dielën. Nuk ka as 100 për qind, pushim mjekësor për të gjithë të infektuarit me Kovid-19.
“Çdo ditë shkelen marrëveshjet kolektive dhe ligjet nga e drejta e punës, inspektoratet aspak nuk veprojnë sipas parashtresave tona, bëhet presion që anëtarët tanë të largohen nga KSL-ja”, theksoi Ralpovski pasi e paralajmëroi protestën.
