Sot në seancën e Qeverisë është Ligji për mbrojtje shëndetësore me ndryshimet e së cilës propozojmë çmimet në spitalet private të jenë të barabarta me çmimet referente të përcaktuara nga Fondi për sigurim shëndetësor. Me ndryshimet në Ligjin, diagnostikimi dhe trajtimi i pacientëve me kovid, propozojmë të lëvizë prej 40.000 deri në 305.000 denarë, ka bërë të ditur në profilin e tij në Fejsbuk, ministri i Shëndetësisë, Venko FIlipçe.
Shteti, thekson ministri, përveç që ka autorizime të lidhë marrëveshje me spitalet private përmes Fondit, mund të vendos edhe limit për shumë maksimale të një trajtimi privat nga Kovid-19.
“Rregullimi i çmimeve është i patjetërsueshëm që të mos arrijmë në situatë institucionet private shëndetësore të mbeten të pakapshëm për shumicën e qytetarëve në vend. I ftoj deputetët në Kuvend të japin mbështetje për këtë rregullim të çmimeve për shërbimet shëndetësore të pacientëve me kovid në spitalet private. Në kohën e pandemisë me rëndësi kyçe është deputetët të votojnë këtë zgjidhje ligjore me të cilën çmimet për trajtim të pacientëve në spitalet private do të jenë financiarisht të qëndrueshme për të gjithë qytetarët”, ka shkruar Filipçe.
