Lideri i VMRO-DPMNE-së, Hristijan Mickoski sot në konferencë për shtyp tha se as ai dhe as VMRO-DPMNE nuk do t’i njohin numrat nga popullsia e regjistruar jorezidente.
“Qëndrimi im është që diaspora nuk mund të jetë pjesë e regjistrimit, sepse nëse e lexoni Ligjin, neni 8 paragrafët 2 dhe 3 përcakton qartë se cila pjesë e personave që në kohën e kryerjes së operacionit të regjistrimit nuk janë në Maqedoni, por janë jashtë Maqedonisë, përkatësisht me qëndrim të përkohshëm, ndërsa qëndrimi i përkohshëm do të thotë qartë se ata nuk e kanë anuluar vendbanimin e tyre. Të gjithë personat të cilët kanë më shumë se 12 muaj vendbanim të çlajmëruar në Maqedoni, nuk mund së bashku me mua të hyjnë në numrin e përgjithshëm të popullatës rezidente, dhe unë dhe VMRO-DPMNE nuk do t’i njohim ato numra. Dhe nuk ka asnjë forcë që do të më bëjë të shkoj kundër standardeve të Eurostatit”, tha Mickoski.
Ai theksoi se të gjithë ata që janë në momentin e regjistrimit jashtë vendit, ndërsa nuk e kanë çlajmëruar vendbanimin në 12 muajt e fundit, mund ta përdorin aplikacionin onlajn, ndërsa të tjerët jo.
“Edhe për mua nuk është njëjtë nëse produkti im i brendshëm bruto që unë do të ndaj me ju prej 11 miliardë eurosh për popullsinë rezidente që e realizon atë numër apo do ta ndaj me regjistrin e qytetarëve që e krijojnë produktin e brendshëm bruto në vendet ku ata jetojnë. Këtë nuk do ta pranoj. Kjo është falsifikim. Ata njerëz që e kanë çlajmëruar vendbanimin e tyre në Maqedoni do të regjistrohen në vendin ku ndodhen, ndërsa jo këtu. Ata njerëz nuk mund të numërohen dy herë. Sado që politikanët duan të mundohen, pakica, që janë pjesë e partive shqiptare t’i keqpërdorin ndjenjat e shqiptarëve, nuk do të kenë sukses”, tha Mickoski.