Pres të gjejmë zgjidhje të përbashkët që regjistrimi të zbatohet pa pengesa, me mbrojtje të plotë të shëndetit të qytetarëve dhe të regjistruesve dhe të njejtin ta mbështesë edhe VMRO-DPMNE-ja deklaroi për MIA-n kryeministri dhe kryetari I LSDM-së, Zoran Zaev para fillimit të takimit të sotëm të liderëve me kryetarin e partisë opozitare Hristian Mickoski, që do të mbahet në orën 13:00 në klubin e deputetëve.
“Shkoj të bisedoj, të dëgjoj qëndrim dhe të nxis të investojmë maksimumin për interesat e qytetarëve”, theksoi Zaev.
Theksoi se mbetet I hapur për të biseduar edhe për çështjet lidhur me punën e Kuvendit me qëllim që të mënjanohen të gjitha bllokadat dhe të sigurohet punë e papengueshme në dobi të popullit, si dhe për temat lidhur me zgjedhjet lokale në vjeshtë.
Nga VMRO-DPMNE para fillimit të takimit brifojnë se në tryezë do të vendosen çështjet më të vështira – çështja për qeveri, tema e regjistrimit, si dhe dialogu për ligjet të cilat do të thonë benefite të vërteta për qytetarët.
“Gjendja në shtet është shqetësuese, De fakto, përveç krizës ekonomike, dhe asaj shëndetësore, vendi ndodhet edhe në krizë politike. Çdo ditë në Maqedoni ka rreth 30 të vdekur dhe 1.300 raste të reja. Të parët për nga vdekshmëria, të fundit për vaksina në Evropë dhe botë. TË partë për shkallën e korrupsionit, të fundit në reforma. Është e dukshme se kjo Qeveri nuk ka kapacitet ta udhëheqë vendin, shteti ndodhet në gjendje delikate dhe të komplikuar. Çdo ditë e kaluar është rënie e lire dhe edhe një disfatë e re”, thonë nga partia opozitare.
Shtojnë se qytetarët nga politikanët presin përgjegjësi dhe ndërmarrje të hapave të mëdhenj dhe theksojnë se në takimin e liderëve VMRO-DPMNE-ja shkon me qëllime të sinqerta dhe dëshirë për të ofruar zgjidhje për qytetarët.
Kryeministri Zaev të enjten në mbrëmje kumtoi se e ka pranuar ofertën e liderit të VMRO-DPMNE-së, Mickoski, për takim të tyre sy më sy.
“Dakorduam takim me kryetarin e VMRO-DPMNE-së, Hristian Mickoski, të hënën në orën 13:00 në Klubin e deputetëve. Do të bisedoj me Mickoskin për çështjet më të rëndësishme që janë në interes të qytetarëve, me qëllim që shteti të shkojë përpara”, shkroi Zaevi në profilin e tij në Fejsbuk të enjten në mbrëmje.
Shkrimi I Zaevit pasoi pasi që Mickoski paraprakisht I bëri thirrje për takim sy më sy në Klubin e deputetëve, që të bisedojnë për krizën me pandeminë, punën e Parlamentit, për regjistrimin, ekonominë, eurointegrimet, zgjedhjet…
