Ka rritje të lehtë të rasteve të reja pozitive në kopshte, por duke pasur parasysh faktin se nga 13.600 fëmijë të pranishëm në kopshte, mesatarja deri të premten e kaluar ishte se vetëm 19 fëmijë pozitivë, qëndrimi i fëmijëve në kopshte është ende i sigurt, theksoi sot ministrja e Punës dhe Politikës Sociale Jagoda Shahpaska, gjatë vizitës në Qendrën e re ditore për fëmijët dhe të rinjtë me aftësi të kufizuara intelektuale pranë IP Entit për rehabilitim të Fëmijëve dhe të Rinjve në vendbanimin Fushë Topanë në Shkup.
Ministrja theksoi se fakti që nuk ka përhapje të infeksionit tek fëmijët në kopshte tregon se protokollet po respektohen.
“Puna në kopshte organizohet sipas rregullave të vendosura në mënyrë rigoroze të përcaktuara nga protokolli. Kështu që kur dërgoni fëmijë në kopshte, gjëja e parë dhe më e rëndësishmja është të mbrohet shëndeti i tyre, siguria e tyre ndërsa janë në kopshte, dhe fakti që nuk ka përhapje të infeksionit tek fëmijët në kopshte tregon se protokollet po ndiqen. Sidoqoftë, sigurisht që puna profesionale me fëmijë është e rëndësishme dhe prandaj mënyra se si do të menaxhohet ky proces, me punën individuale, me veshjen e pajisjeve mbrojtëse nga logopedët, psikologët, pedagogët dhe punëtorët e tjerë kompetent, menaxhohet në nivel lokal. Në secilin kopshti individualisht”, tha Shahpaska.
Ajo theksoi se nesër do të përgatitet mesatarja, përkatësisht raporti përfundimtar për këtë javë mbi situatën epidemiologjike në kopshte.
“Dua të theksoj se ne nuk kemi arritur kulmin që kishim në valën e mëparshme, e cila ishte para dimrit”, tha Shahpaska.
Ajo theksoi se punonjësit respektojnë protokollet dhe kjo është arsyeja pse, siç tha ajo, duke ndjekur situatën epidemiologjike së bashku me ato më kompetente, Komisioni për Sëmundjet Infektive do të marrë vendime të mëtejshme se si do të shkojnë gjërat.
Ajo shtoi se sipas raportit së javës së kaluar, ka 53 punonjës në kopshte që janë të infektuar me Kovid-19.
