Sipas raportit javor të Institutit për shëndet publik në periudhën nga 15 deri më 21 mars, janë testuar gjithsej 24,517 materiale në laboratorë në të cilët zbatohet testimi molekular dhe testimi për antigjen për praninë e SARS- CoV-2. me rritje prej 8.4 përqind në krahasim me javën e kaluar. Janë regjistruar 6.899 raste të reja pozitive nga 35 qytete në vend me rritje prej 26.4 përqind në krahasim me javën e kaluar, kumtoi Ministria e Shëndetësisë.
Pjesa më e madhe e rasteve të regjistruara janë nga Shkupi (n = 3,441; 49,9 përqind), me incidencë javore – 557,1 / 100,000. Incidenca më e lartë javore prej 899.1 / 100,000 u regjistrua në Negotinë (së bashku me Demir Kapinë).
Përqindja e rasteve pozitive lëviz prej 23.4 përqind deri në 32.3 përqind, mesatarisht 27.9 përqind, që është për tre përqind më shumë në krahasim me javën e kaluar.
Janë regjistruar persona të infektuar në të gjitha grupmoshat. Grupmosha më e zakonshme është mbi 60 vjeç (n = 1,772, 25,7 përqind). Një numër i madh i pacientëve janë të regjistruar në grupmoshat nga 30 deri 39 vjet (n = 1,303; 18,9 përqind), nga 40 në 49 vjeç (n = 1,272; 18,4 përqind), nga 50 në 59 vjeç (n = 1,210; 17,5 për qind) dhe 20 deri në 29 vjet (n = 864; 12.5 për qind). Numri më i ulët u regjistrua tek fëmijët e moshës deri në nëntë vjeç (n = 144; 2.1 përqind) dhe nga 10 në 19 vjeç (n = 334; 4.8 përqind). Rritja më e madhe e përqindjes krahasuar me javën e mëparshme është vërejtur në grupmoshat 10 deri në 19 vjeç (33.1 përqind), 50 deri në 59 vjeç (32.1 përqind) dhe 40 deri në 49 vjet (30.2 përqind).
Pas marrjes së dy testeve negative për praninë e SARS-CoV-2 ose me përdorimin e algoritmit të ri, me status “të shëruar” janë hasur 3,343 persona të cilët u shtruan në spital ose u mjekuan në shtëpi, me rritje prej 22.1 përqind në krahasim me javën e kaluar.
Janë paraqitur 158 raste të vdekjes nga 27 qytete, 22.5 përqind më shumë se javën e kaluar. Për sa i përket moshës, 135 persona ishin mbi 60 vjeç, 19 persona të moshës 50-59 vjeç, tre persona në grupmoshën 40 deri 49 vjeç dhe një person i moshës 30 deri 39 vjeç.
Që nga 22 marsi, gjithsej janë vaksinuar 6,704 punonjës shëndetësorë me dozën e parë (4,002 – Fajzer/Biontek dhe 2,702 – Sputnik V) dhe 2,572 (Fajzer/Biontek) me vaksinën e dytë kundër Kovid-19.
Raporti i hollësishëm i Institutit për shëndet publik për situatën me Kovid-19 për periudhën nga 15 deri më më 21 mars, si dhe situata kumulative është publikuar në ueb faqen e Institutit për shëndet publik: http://iph.mk /.
