Presidenti Stevo Pendarovski sot I pranoi letrat kredenciale të Xhajlls Norman, ambasador i sapoemëruar I Kanadasë në Maqedoni të Veriut, me seli në Beograd.
Siç kumtoi Kabineti I presidentit, në ceremoninë solemne të pranimit të letrave kredenciale, Pendarovski theksoi se Maqedoninë e Veriut dhe Kanadanë tradicionalisht i lidhin miqësia dhe mirëkuptimi I ndërsjelltë. Dukee shënuar 25-vjetorin e vendosjes së marrëdhënieve diplomatike me Kanadanë, marrëdhëniet bilateral, siç tha presidenti Pendarovski, plotësisht u përforcuan me aleancën në NATO.
“Bashkëpunimi bilateral dhe multilateral dhe partneriteti ynë bazohen në ndarjen e vlerave të demokracisë, si dhe të vizionit të ndërtimi të një bote më të drejtë dhe më inkluzive.Kanadaja çdoherë për ne ka qenë vend i tolerancës, i diversitetit dhe respektit ndaj të gjithë njerëzve, që na bën akoma më të afërt dy shtetet, edhe pse gjeografikisht të largëta”, tha Pendarovski.
Duke i dëshiruar sukses ambasadorit Norman në kryerjen e detyrës diplomatike, presidenti Pendarovski shfaqi bindje se bashkëpunimi mes dy vendeve do të vazhdojë të zhvillohet në linjë të epërme në disa disa sfera të interesit të përbashkët, me fokus të avancimit të relacioneve ekonomike.
“Në këtë kuptim, kontribut të vet jep edhe diaspora e shumtë me prejardhje nga vendi ynë, e cila është urë shtesë për përforcimin e komunikimit tonë të ndërsjelltë dhe bashkëpunimit të avancuar në kulturë, arsim, shkencë dhe teknologji”, theksoi presidenti.
Ambasadori Xhajlls Norman theksoi se Maqedonia e Veriut dhe Kanadaja kanë veti të shumta të përbashkëta të cilat I bashkojnë të dy vendet, mes të cilave është edhe diversiteti.
“Edhe Maqedonia e Veriut edhe Kanadaja kanë trashëgimi të pasur, etnike, religjioze dhe gjuhësore. Pranimi i diversitetit i bën vendet tona më të fuqishme. Duke i ndarë përvojat tona, Maqedonia e Veriut dhe Kanadaja mund të mësojnë nga njëra-tjetra për atë se si diversiteti mund të kontribuojë për përfshirje dhe bashkësi”, tha ambasadori Norman.
Ambasadori Norman theksoi se për të dy vendet, veti e përbashkët është përkushtimi i barazisë mes grave dhe burrave, si dhe dëshira për të ndërtuar ekonomi më të fuqishme përmes këmbimit tregtar dhe investimeve.
“Me rëndësi thelbësore për bashkëpunimin tonë ekonomik është klima afariste që respekton sundimin e së drejtës dhe ku investimet e huaja janë të mbrojtura nga vendimet arbitrare. Rritja e bashkëpunimit ekonomik do të mjetë pjesë e rëndësishme e mandatit tim”, konkludoi ambasadori Norman.
