Prokuroria themelore publike Shkup sot në Gjykatën themelore penale Shkup parashtroi propozim akuzë ndaj shtatë pjesëmarrësve në protestat lidhur me aktvendimin për lëndën “Monstra”.
Siç kumtoi Prokuroria publike, për gjashtë prej tyre paraprakisht ishte inicuar procedura dhe u ishte caktuar masa e paraburgimit. Të gjithë janë të akuzuar për vepër penale “pjesëmarrje në turmë” që do të kryejë vepër penale në pajtim me nenin 385 paragrafi 2 lidhur me paragrafin 1 të Kodit penal. Së bashku me propozim akuzën, prokuroria e Shkupit propozoi edhe t’u vazhdohet masa e paraburgimit me qëllim të sigurimit të tyre gjatë procedurës penale.
“Për vepër të njejtë penale është parashtruar propozim aktakuzë edhe ndaj një personi, për të cilin Prokuroria sot I propozoi Gjykatës të caktojë masë paraburgimi, për shkak të rrezikut nga ikja dhe mundësisë së përsëritjes së veprës”, thonë nga prokuroria.
Prokuroria themelore publike Shkup I ndjekë shtatë të akuzuarit, sepse më 26 shkurt, si pjesëmarrës në tubimin publik të qytetarëve në Shkup – protestë për aktvendimin e lëndës “Monstra” ishin pjesë e turmës e cila me veprim të përbashkët kreu dhunë ndaj nëpunësve policorë dhe personave të tjerë të pranishëm. Njëherit, të akuzuarit dhe tani për tani persona të tjerë të panjohur filluan bashkarisht të veprojnë ndaj nëpunësve policorë, duke hedhur me gurë, pllaka bekatoni, shufra metali dhe mjete të tjera, në tentim që të shpërthejnë kordonin policor. Si rezultat I kësaj, me lëndime të rënda kaloi një gazetar I pranishëm në vendin e ngjarjes, ndërsa të lënduar ishin edhe 11 nëpunës policorë.
