Me 62 vota PËR, asnjë kundër dhe asnjë përmbajtur, Qeveria mori besimin e Kuvendit. Deputetët sollën këtë vendim në seancën që u thir nga kryeministri Zoran Zaev i cili sot kërkoi të votohet votëbesimi i Qeverisë.
Në fjalën e tij, para votëbesimit, kryeministri Zoran Zaev, deklaroi se tha se ai është kryeministri i parë në Maqedoni që kërkon votëbesim për qeverinë. Zaev para deputetëve tha se kjo bëhet me qëllim që tu jepet fund të gjitha spekulimeve të opozitës se shumica nuk është stabile dhe se ata do të krijojnë shumicë të re.
“Gjashtë muaj opozita thotë se kjo qeveri do të bie. Tre katër muaj kanë paralajmëruar mosbesim për qeverinë. Por ja sot nuk janë prezentë në sallë. Qytetarët në zgjedhjet në 15 korrik e bënë përzgjedhjen. Zgjedhja ishte kundër bllokimeve, kundër tentimeve për tu kthyer prapa. Fitoi kjo shumicë parlamentare në bazë të vullnetit të qytetarëve”, u shpreh Zoran Zaev.