Kategoritë

DREJTËSI Pendarovski: Arratisja e Mijallkovit i diskrediton përpjekjet për t’u përballur me krimin dhe korrupsionin e lartë

Presidenti Stevo Pendarovski lidhur me arratisjen e ish drejtorit të DSK-së Sasho Mijallkovit u bën thirrje të gjitha institucioneve kompetente t’i ndërmarrin masat e nevojshme me qëllim të zbatimit të vendimit gjyqësor për paraburgimin e tij.

“Ngjarjet e këtilla janë të papranueshme për vendin i cili pret të fillojë negociata për anëtarësim në Bashkimin Evropian dhe u cili punon shumë në reformimin e sistemit gjyqësor dhe ndërtimit të besimit në shtetin ligjor. Kjo i diskrediton  përpjekjet dhe shpresat për përballje me krimin dhe korrupsioni  e lartë”, potencoi presidenti Pendarovski.

Presidenti Pendarovski, siç thekson Kabineti i tij, pret që institucionet kompetente në një afat sa më të shkurtë të mundshëm të zbatojnë hetim për ndriçim të plotë të rastit dhe nëse konstatohen çfarëdo lëshimesh nga ana e institucioneve kompetente të ndërmerret përgjegjësi.

“Qytetarët kërkojnë përgjegjësi edhe penale edhe morale. Lufta për shtet ligjor do të thotë secili që ka gabuar para ligjit të dënohet”, porosit presidenti Pendarovski.

Leave a Comment

You must be logged in to post a comment.