Bëj thirrje që Komisioni shtetëror i zgjedhjeve (KSHZ) së shpejti të hyjë në procedurë për furnizim të aparateve për votim me shenja të gishtit, në mënyrë që të mund të përmbushet kjo zgjidhje e sendërtuar ligjore, sepse ekziston në Ligj, deklaroi sot kryeministri Zoran Zaev para Qeverisë, duke u përgjigjur në pyetje të gazetarëve.
“Do të bëjmë gjithçka të furnizohemi me atë që varet prej nesh. Ministri I Financave reagoi konkretisht – para në buxhet ka, nëse mungojnë – kemi ribalanc. Gjithsesi, që ajo të bëhet, dhamë leje me shkrim nga ana e Financave, në mënyrë që kryetari I KSHZ-së dhe tërë KSHZ-ja të mund të hyjnë në procedure për furnizim të aparateve për shenjë të gishtit”, tha Zaev.
Ai beson se do të arrihet të bëhet kjo deri në zgjedhjet lokale, sepse, siç tha, ka edhe rreth tetë muaj, ndërsa me teknologjitë modern evropiane, kjo pritet të bëhet shpejtë.
“Kjo mund ta rrisë besimin në procesin votues, që është shumë me rëndësi. Kulmi I demokracisë është votimi. I bëj thirrje KSHZ-së, të gjitha shërbimet qeveritare qëndrojmë në dispozicion, të insistojmë të bëhet shpejtë furnizimi”, theksoi Zaevi.
Kryeministri shtoi se ka biseduar me ministrin e Punëve të Brendshme, Oliver Spasovski, I cili ka cekur se janë të gatshëm tërë bazën t’ia japin KSHZ-së, përkatësisht, siç tha, po punohet për transfer të të dhënave informatike, që, sipas tij, është lehtë e zbatueshme.
