Vaksina kineze kundër Kovid-19 është në procedurë të dakordimit dhe rregullimit. Ministria e Shëndetësisë vazhdimisht informon për këtë çështje. Premtimi është se deri në fund të shkurtit do të arrijnë vaksinat. Çdo ditë më herët për ne është e rëndësishme, por derisa realizohen, implementojnë këto 4680 vaksina të cilat populli serb dje ia dhuroi popullit maqedonas, do të realizohen edhe të tjerat deri në 8000 vaksina, për shkak të asaj që marrëveshja trepartiake mes nesh, Serbisë dhe “Fajzer” është për tetë mijë vaksina.
Këtë sot e theksoi kryeministri Zoran Zaev, i cili tha se beson që do të arrijnë edhe vaksinat kineze për të gjithë procesin të zhvillohet vazhdimisht.
Pritjet janë që vaksinat të arrijnë, potencoi ai, nga fundi i kësaj jave, deri në fund të javës së ardhshme, kur përfundon edhe muaji.
Populli serb, potencon Zaev, edhe njëherë tregoi miqësi të madhe, presidenti serb Aleksandar Vuçiq, gjithashtu kryeministrja serbe Ana Bërnabiq , ministri serb i Shëndetësisë Zllatibor Lonçar dhe të gjithë të cilët me të vërtetë përkushtuan ditë që të munden të dorëzojnë vaksina të “Fajzer” si vaksinat e para ose ndihma e parë e popullit miqësor maqedonas.
“Unë jam falënderues për atë. Gjithsesi politikat e miqësisë janë shprehur në këtë Qeveri, e cila edhe në përbërjen e kaluar edhe tani i udhëheq dhe ashtu do të vazhdojmë. Falënderim i atyre politikave të miqësisë arrijmë të na gjenden atëherë kur na duhet, sepse mendoj se gjithë bota duhet të ndërtojë politikë të miqësisë, ndërsa vendet e vogla si ne duhet të jenë ende më të mençura dhe të ndërtojnë politika ende më të fuqishme të miqësisë, për shkak të asaj që është nga interesi i gjithë popullit tonë dhe vendit tonë dhe nëpër politikat e tilla të respektit dinjitoz, të miqësisë, të dorës së zgjatur, të vëmendjes ndaj fqinjve por edhe ndaj të gjithë partnerëve tanë besoj se interes kanë vetëm qytetarët, ndërsa gjithsej edhe partnerët tanë me të cilët gjithmonë bisedojmë”, theksoi Zaev.
Ai ka mohuar se ka dhënë deklaratë në të cilën pohon se presidenti serb Vuçiq është nacionalist . “Çdo here kam respektuar politikat e të gjithë fqinjve dhe partnerëve të shtetit”, tha Zaev, duke u përgjigjur në pyetjen e gazetarëve pas konferencës për shtyp në të cilën ishte nënshkruar marrëveshja për grant të destinuar për burimet e rinovueshme të tranzicionit energjetik.
