Shumica e pacientëve me koronavirus krijojnë antitrupa të cilat i mbrojnë nga infektimi i sërishëm të paktën gjashtë muaj, tregojnë rezultatet e hulumtimit më të ri, shkruan gazeta londineze “Gardian”.
Gjatë hulumtimit janë grumbulluar ekzemplarë gjaku prej mbi 20.200 britanikëve në periudhë midis qershorit dhe nëntorit 2020. Është zbuluar se 99 për qind e atyre që kanë qenë pozitivë në koronavirus kanë zhvilluar antitrupa për së paku tre muaj ndërsa 88 pacientë mbrojtje për gjashtë muaj.
Rreth një e katërta e atyre me test pozitiv (24 për qind) nuk kanë pasur kurrfarë simptomash, ndërsa 40 për qind nuk kanë pasur simptoma klasike siç janë temperatura, kolla e vazhdueshme e thatë ose humbje të shijes dhe nuhatjes.
Analiza e ekzemplarëve të gjakut zbulon se antitrupat janë rritur prej 6,6 për qind në fillim të hulumtimit në 8,8 për qind në fund të studimit. Por, pasqyra është e ndryshme në rajone të ndryshme. Në Skoci, kjo përqindje është 5,5 për qind, kundrejt 12,4 për qind në Londër. Është zbuluar se më të goditur janë afroamerikanët dhe aziatikët. Në grupin e parë, antitrupat janë zbuluar në 16,3 për qind, ndërsa në të dytin në 13,9 për qind. Përqindja tek njerëzit pa ngjyrë me antitrupa është 8,5 për qind.
