Këshilli i Ambasadorëve u bën thirrje subjekteve politike të kontribuojnë në zbatimin e suksesshëm të regjistrimit

Këshilli i ambasadorëve e përshëndet vendosmërinë e Qeverisë për zbtimin e regjistrimit dhe u bën thirrje të gjithë faktorëve politikë dhe sektorit joqeveritar të kontribuojnë në zbatimin e suksesshëm të këtij operacioni statistikor.

“Ky është një operacion statistikor i rëndësishëm që nuk është bërë për njëzet vjet. Vendi ynë është anëtar i NATO-s dhe aspirant për anëtarësimin në BE, organizata serioze në të cilat vendet, përveç përfitimeve, duhet të përmbushin disa detyrime. Regjistrimi është gjithashtu i rëndësishëm pasi përmbush detyrimin tonë për analiza eksperte, shkencore, ekonomike, politike dhe diplomatike të anëtarësimit në Kombet e Bashkuara dhe organizata të tjera ndërkombëtare (Banka Botërore, FMN, OSBE, OBSH, ILO, ISO,), deklarojnë nga Këshilli i ambasadorëve në kumtesën e sotme.

Prandaj, ata shprehin keqardhje që edhe në fazën e përgatitjes, regjistrimi është i politizuar nga subjekte të caktuara politike dhe individë me tendencë për të bërë thirrje për bojkot.

“Këshilli i Ambasadorëve beson se përkundër mosmarrëveshjeve të caktuara midis partive politike rreth miratimit të Ligjit mbi regjistrimin, megjithatë Metodologjia për punën duhet të miratohet në bashkëpunim dhe konsensus midis të gjithë aktorëve politikë,” thuhet në kumtesë.