Kategoritë

BOTA Bajden sërish e vendosi kufizimin për hyrje në SHBA

Presidenti i Shteteve të Bashkuara të Amerikës sërish e vendosi kufizimin për hyrje në SHBA për personat  të cilët nuk janë amerikanë, ndërsa të cilët vijnë nga Britania e Madhe, Brazili, Irlanda dhe pjesa më e madhe e Evropës.

“Presidenti i ri gjithashtu do t’i zgjerojë këto ndalesa për njerëzit  të cilët  më parë ishin në Afrikën Jugore për shkak të informatave për paraqitje të llojeve të reja  të koronavirusit në SHBA”, deklaroi përfaqësuesi i Shtëpisë së Bardhë.

Vendimi i Bajdenit është pjesë e planit të administratës së re për luftë kundër  koronavirusit në SHBA,  vendi më së shumti i goditur në botë sipas numrit të rasteve të infektimit (25,1 milion) dhe numrit të rasteve të vdekjes – më shumë se 419.000.

Të premten, Bajden vlerësoi se numri i rasteve të vdekjes nga virusi në SHBA duhet të jetë dukshëm më i vogël se 600.000.

Tashmë në ditët e para nga ndërmarrja e funksionit të mërkurën, Bajden i ashpërsoi  dispozitat për mbajtje të maskave dhe urdhëroi karantinë për njerëzit të cilët  vijnë në SHBA me aeroplan.

Donald Tramp në ditët e fundit të pushtetit publikoi se do të hiqen ndalesat për hyrje në SHBA për udhëtarët nga pjesa më e madhe e Evropës dhe Brazili, por administrata e Bajdenit kumtoi se menjëherë do ta tërheqë urdhërin,  i cili duhej të hyjë në fuqi më 26 janar.

Më 31 janar  të vitit 2020, Tramp e publikoi ndalesën e parë për hyrje të udhëtarëve në vend nga Kina, me qëllim që të parandalohet përhapja e koronavirusit. Ndalesa ishte  zgjeruar në vendet evropiane më 14 mars.