“Në këtë orë, demokracia e jonë është në sulm të pa precedent. Asnjëherë nuk kemi parë një gjë të tillë në historinë më moderne”, tha Bajden.
“Skenat e kaosit në Kapitoll nuk e reflektojnë Amerikën e vërtetë, ato nuk e përfaqësojnë natyrën tonë të vërtetë”, shtoi ai.
“I bëj thirrje kësaj turme të tërhiqet dhe të lejojë demokracia të shkojë përpara”, theksoi Bajden.
Ai shtoi se presidenti Donald Tramp duhet të dalë në televizionin kombëtar dhe të kërkojë ndërprerjen e këtij rrethimi.
Bajden planifikonte të mbante fjalim në shtetin e tij Delauer, duke u fokusuar në atë se si ta rikuperojë ekonominë dhe t’u sigurojë mbështetje financiare pronarëve të bizneseve të vogla të goditura nga pandemia e koronavirusit. Por, para se të fillojë të flasë, protestuesin hynë në Kapitoll hill dhe arritën në sallën ku është Dhoma përfaqësuese.
Presidenti amerikan, Donald Tramp i porositi ithtarët e tij të cilët hynë në godinën e Kongresit amerikan “të shkojnë në shtëpi”.
Protestues të shumtë i kaluan linjat policore dhe hynë në Kapitoll hill, ku Kongresi duhej ta miratonte zgjedhjen e demokratit Xho Bajden për president. Për shkak të trazirave seanca e Kongresit u ndërpre.
“E di dhimbjen tuaj, e di se jeni të lënduar. Pamë zgjedhje që na u vodhën”, tha Tramp në videon njëminutëshe të shpërndarë në rrjetet sociale.
“Por tani duhet të shkoni në shtëpi, duhet të kemi qetësi, të kemi rend dhe ligj”, tha Tramp.
Ai i përsëriti pohimet e veta se zgjedhjet kanë qenë jokorrekte – akuza që e tërbuan turmën më herët gjatë ditës.
