Kryeministri Zoran Zaev dhe kryetari i Komunës së Strumicës Kosta Janevski sot kryen inspektim në Qendrën Tregtare “Global” ku mbrëmë në orët e vonshme shpërtheu zjarr.
Kryeministri theksoi se dëmet materiale janë të mëdha dhe se u janë shkaktuar dëme të pariparueshme ekonomike subjekteve afariste të cilat punojnë atje.
“Është mirë që nuk ka të lënduar, nuk ka humbje në njerëz dhe kjo është më e rëndësishmja, gjithçka tjetër kompensohet”, tha Zaevi, i cili i shfaqi mirënjohje Njësitit Zjarrfikës Territorial në Strumicë i cili me gjashtë zjarrfikës dhe 38 njerëz e ka shuar zjarrin.
“Që nesër organizojmë aksion solidar masiv edhe për pastrimin dhe restaurimin e Globalit dhe aksion solidar me ndihmë financiare me të gjitha aspektet e mundshme të cilat i kemi në dispozicion, para së gjithash si shtet, Qeveri, gjithsesi si Komunë, por edhe si qytetarë në frymën e solidaritetit”, potencoi Zaevi, duke shtuar se është i bindur se shumë shpejt do ta kthejnë Globalin në normalitet dhe të gjithë qytetarëve të cilëve u është shkatërruar prona do t’ua kthejnë në gjendjen e mëparshme.
U bën apel afaristëve të cilët kanë resurse të veta të dispozicion që sot t’i bëjnë planet që ta pastrojnë terrenin, por pasi për këtë do të japin miratim prokurori publik dhe MPB, sepse Brenda ende ka ndalesë për hyrje.
Kryetari Janevski tha se është një rrethanë e lumtur që nuk ka viktima në njerëz dhe premtoi se gjithçka që është dëm material me mbështetje të pushtetit qendror do të kompensojnë.
