Gjermania dëshironte shumë deri në fund të vitit të mbahen konferencat e para ndërkombëtare me Shqipërinë dhe Maqedoninë e Veriut, por për fat të keq nuk është e mundur të bindet Bullgaria të japë pëlqim, pas së cilës bisedat duhet të vazhdohen vitin e ardhshëm, me ç’rast gjatë gjithë kohës e kemi bërë të qartë se për çështjet bilaterale, veçanërisht dallimet historike, nuk ka vend në procesin e zgjerimit, thotë drejtoresha për Evropën Juglindore, Turqinë dhe shtetet e EFTA-së në Ministrinë gjermane për Punë të Jashtme Suzane Shic në intervistë për Dojçe Vele.
Ajo thekson se afrimi i Ballkanit Perëndimor drejt BE-së është vendim i rëndësishëm strategjik për rajonin, por edhe për Unionin, dhe për atë kjo ishte një nga prioritetet e kryesimit të Gjermanisë me bllokun.
“Nëse shikojmë në vitin 2020, na gëzon ajo që Ballkani Perëndimor kishte përparim të rëndësishëm. Edhe pse ndoshta njerëzit e rajonit shpresonin ende më shumë, gota duhet të shikohet si gjysmë e mbushur. Në mars kishte vendim shumë të rëndësishëm nga vendet anëtare të BE-së për fillim të negociata për anëtarësim me Shqipërinë dhe Maqedoninë e Veriut – vendim i rëndësishëm politik, i cili arriti madje edhe pas shumë përpjekjeve. Kuptohet se dëshirojmë shumë tashmë në fund të fundit të mbahen konferencat e para për bashkim. Në këtë rrugë arritëm mjaft larg me të dy vendet”, thekson Shic.
Ajo shpreh zhgënjim për shkak të asaj që edhe krahas “punës me të vërtetë intensive”, Bullgaria dhe Maqedonia e Veriut nuk arritën të gjejnë kompromis, por potencon se nuk guxon të harohet se këtë vit vendi u bë anëtare e NATO-s.
“Në rastin me Maqedoninë e Veriut, për fat të keq, nuk është e mundur Bullgaria të bindet të japë pëlqim. Por, edhe Maqedonia e Veriut kishte linja të kuqe përmes të cilave nuk mund të kalohej. Tani bisedat duhet të vazhdojnë vitin e ardhshëm. Megjithatë, gjatë gjithë kohës e bëmë të qartë se çështjet bilaterale, veçanërisht dallimet historike, nuk kanë vend në procesin e zgjerimit. Për atë edhe ne u lutëm që çështjet të cilat kanë të bëjnë me historinë e përbashkët të diskutohen në Komisionin e historianëve të cilën e krijuan të dy shtetet në suaza të Marrëveshjes për miqësi. Përfundimisht, edhe Bullgaria dëshiron që Maqedonia e Veriut të mund të bashkangjitet në BE”, potencon Shic.
Ajo potencon se Gjermania do të vazhdojë të punojë në procesin e afrimit të Ballkanit Perëndimor drejt BE-së, veçanërisht duke e pasur parasysh se vendi në vitin 2021 do të kryesojë me procesin e Berlinit, duke e ndërmarrë kryesimin nga Maqedonia e Veriut dhe Bullgaria.
“Në suaza të kryesimit tonë me procesin e Berlinit do ta vazhdojmë dialogun me shoqërinë civile dhe të rinjtë. Kuptohet, edhe nga qeveritë e rajonit gjatë gjithë kohës do të kërkojmë respektim të shtetit ligjor dhe luftë ende më aktive kundër korrupsionit. Përveç asaj, ka edhe elemente tjera, si çështja e arsimit fillor dhe lufta kundër papunësisë. E rëndësishme është vendet vetë të krijojnë kushte që t’u japin njerëzve atje perspektivë për të ardhmen për veten dhe familjet e tyre”, potencon Shic në intervistë për Dojçe Vele.
