Ministria e Bujqësisë dhe Qeveria kanë zhvilluar politika fleksibile, shteti çdo herë do të jetë këtu që të ndihmojë dhe për këtë shkak në këtë moment përgatitet blerja e dytë në Qeveri për problemet me duhanin, ndërsa shërbimet tanimë bisedojnë rreth problemit me harpën e orizit, tha kryeministri Zoran Zaev në konferencën e sotme për shtyp gjatë inspektimit të projekteve vijuese dhe të realizuara në Osogovë – Ponikva.
Ai po ashtu paralajmëroi takim të prodhuesve të duhanit me ministrin e Bujqësisë, Pylltarisë dhe Ekonomisë së Ujrave, Arjanit Hoxha, gjatë ditës.
“Këtu jemi të ndihmojmë. Çdoherë do të ndihmojmë. Atë që duhet ta punojmë së bashku është ta rrisim konkurrencën e tregjeve. Shteti do të ndihmojë, por gjithsesi kjo asnjëherë nuk duhet të jetë mjaft, pasi që vetë ndihma duhet të ketë qëllim përfundimtar, e ai është rritja e cilësisë së saj që e prodhojmë, përforcimi i klaseve të para, pasi ato sjellin çmime më të mira”, tha Zaev.
Ai shtoi se shumë me rëndësi është edhe hapja e tregjeve të reja, si dhe se kjo është betejë, të cilën Qeveria po e zhvillon vazhdimisht dhe beson se synimi ndaj tregjeve të reja në lindje do të jape mundësi shtesë për shumë prodhime.
“Po luftojmë në tregje plotësuese evropiane, po luftojmë po ashtu edhe në tregun rus, e tërë kjo me qëllim që të krijojmë garë plotësuese, respektivisht konkurrencë për atë se kush do ta blejë prodhimin bujqësor, e kjo vet prej vetes do të sjellë prodhim më mirë të paguar”, tha kryeministri.
Për fund, Zaevi porositi se Qeveria me zgjuarsi e ndjek gjendjen dhe se do të ketë intervenime rreth këtyre situatave.
