Kompanitë e vogla dhe të mesme të goditura nga kriza e Kovid-19 do të munden përmes platformës www.bizz4all.mk të marrin ndihmë falas këshilldhënëse-teknike nga biznes mentorë profesional për krijimin e strategjive të reja, gjetjen e tregjeve të reja, përmirësimin e shitjes, qasjes në financa…
Përmbajtjet dhe platforma janë me karakter informativ dhe edukativ ndërsa përmes plotësimin të pyetësorit informues, çdo kompani e interesuar do të fitojë mundësi për komunikim të drejtpërdrejtë me një mentor biznesi përkatës i cili në një set të caktuar të orëve mentore drejtpërdrejtë do të punojë dhe do të ofrojë mbështetje këshilldhënëse teknike për biznesin. Me qëllim që të shkurtohet rruga nevojitet të caktohet programi më i përshtatshëm për financim për çdo shfrytëzues të interesuar, ofrohet shqyrtim sistematik dhe i strukturuar i të gjitha programeve në dispozicion, masa dhe aktivitete për mbështetjen e faktorëve të ndryshëm.
“Me produktin digjital www.bizz4all.mk, e plotësojmë setin e aktiviteteve për mbështetjen e ndërmarrjeve të vogla dhe të mesme. Rëndësia e këtyre shërbimeve dhe këshillave është akoma më e madhe pasi kriza po vijon në vazhdimësi mbi tetë muaj dhe kompanitë përveç se fuqishëm e ndjenë goditjen, tani janë të ekspozuara në një krizë të prolonguar me efektet e së cilës edhe më tej do të përballen. Në këtë kontekst besojmë fuqishëm se mentorimi i biznesit do t’u ndihmojë kompanive të sjellin vendime cilësore në punë dhe vazhdimisht ta vlerësojnë efikasitetin e tyre”, theksoi zëvendëskryeministri Fatmir Bytyqi në promovimin e sotëm onlajn.
Ministrja e Punës dhe e Politikës Sociale, Jagoda Shahpaska theksoi se Ministria e Punës dhe e Politikës Sociale në buxhetin për vitin 2021 ka siguruar katër herë më shumë mjete për Planin operativ për programe dhe masa aktive për punësim lidhur me këtë vit.
“Pandemia e imponoi nevojën për vendosjen më të shpjetë të veglave digjitale për punë. Krijimi i veglës digjitale dhe origjinale biz4all.mk është pjesë e paketës së masave për intervenim për mbështetjen e ndërmarrjeve të vogla dhe të mesme”, theksoi Shahpaska në video fjalim.
Përfaqësuesja e përhershme e Programit për zhvillim të Kombeve të Bashkuara, Narine Sahakjan, në promovim theksoi se ndërmarrjet e voga dhe të mesme janë burimi kryesor i inovacioneve, dinamikës dhe fleksibilitetit dhe mu për këtë janë në fokusin e vëmendjes të kësaj platforme.
